ອຸປາສົກຈັນທານ ເສົ້າໝອງ ໜ້າລັງກຽດ ສະແຫວງຫາບຸນພາຍນອກສາດສະໜາ

ອຸປາສົກຈັນທາລ ເສົ້າໝອງ ໜ້າລັງກຽດ ສະແຫວງຫາບຸນພາຍນອກສາສນາ

ພິກຂຸທັງຫລາຍ! ອຸປາສົກຜູ້ປະກອບດ້ວຍທັມ ໕ ປະກາຣ ຍ່ອມເປັນອຸປາສົກຈັນທາລ(ຕ່ຳຊາມ) ເສົ້າໝອງ ໜ້າລັງກຽດ (ອຸປາສະກະຈັນທາໂລ ຈະ ໂຫຕິ ອຸປາສະກະມະລັນຈະ ອຸປາສະກະປະຕິກິຕໂຖ). ທັມ ໕ ປະກາຣເປັນຢ່າງໃດ? ຄື:

ອຸປາສົກເປັນຜູ້ບໍ່ມີສັທທາ,

ເປັນຜູ້ທຸສີລ,

ເປັນຜູ້ຖືມຸງຄຸລຕື່ນຂ່າວ ເຊື່ອມຸງຄຸລ ບໍ່ເຊື່ອກັມ,

ສະແຫວງຫາບຸນຍ໌ພາຍນອກສາສນາ (ນອກຄຳສອນຂອງພຣະພຸທທະເຈົ້າ),

ທຳກາຣສັກກາຣະເຂຕບຸນຍ໌ພາຍນອກສາສນາ,

ພິກຂຸທັງຫລາຍ! ອຸປາສົກຜູ້ປະກອບດ້ວຍທັມ ໕ ປະກາຣນີ້ແລ ຍ່ອມເປັນອຸປາສົກຈັນທາລ ເສົ້າໝອງ ໜ້າລັງກຽດ.

ພິກຂຸທັງຫລາຍ! ອຸປາສົກຜູ້ປະກອບດ້ວຍທັມ ໕ ປະກາຣ ຍ່ອມເປັນອຸປາສົກຣັຕະນະ ອຸປາສົກປະທຸມ ອຸປາສົກບຸນຍ໌ທະຣິກ. ທັມ ໕ ປະກາຣເປັນຢ່າງໃດ? ຄື:

ອຸປາສົກເປັນຜູ້ມີສັທທາ,

ເປັນຜູ້ມີສີລ,

ເປັນຜູ້ບໍ່ຖືມຸງຄຸລຕື່ນຂ່າວ ເຊື່ອກັມ ບໍ່ເຊື່ອມຸງຄຸລ,

ບໍ່ສະແຫວງຫາບຸນຍ໌ພາຍນອກສາສນາ,

ທຳກາຣສັກກາຣະເຂຕບຸນຍ໌ພາຍໃນສາສນາ,

ພິກຂຸທັງຫລາຍ! ອຸປາສົກຜູ້ປະກອບດ້ວຍທັມ ໕ ປະກາຣນີ້ແລ ຍ່ອມເປັນອຸປາສົກຣັຕະນະ ອຸປາສົກປະທຸມ ອຸປາສົກບຸນຍ໌ທະຣິກ.

ອັງຄຸຕຕະຣະນິກາຍ ປັນຈະກະ-ສັກກະນິບາຕ ໒໒/໑໘໔-໑໘໕/໑໗໕